Friday, December 13, 2019

A Good Investment Vehicle and Passive Income Generator

Isa pa sa mga investments ko bukod sa stock market ay ang real estate property. Isa ako sa mapalad na nagmamay-ari ngayon ng isang real estate property o condominium unit sa isang SMDC condominium building sa SM Mall of Asia Complex, ang Shell Residences. Nakuha ko ito noong pang taong 2016. Hindi naging madali ang mga pinagdaanan ko noon para lang magkaroon ng ganitong investment. Pero alam n'yo ba na isa ito sa magandang investment vehicles na magbibigay ng passive income sa ngayon dahil sa pagiging in demand n'ya. Naalala ko tuloy ang ilan sa mga mahahalagang quotes ni Warren Buffet tulad ng mga ito lalo na yung "On Investment: Do not put all eggs in one basket".




Nabili ko s'ya noong mga panahong iyon sa halagang 5M pesos at ngayon nga ay nagkakahalaga na ang kanyang market value ng 7.6M pesos. So, in the span of 3 years more than 3M na ang kinita ng investment kong condo unit kung ibebenta ko s'ya sa panahon ngayon.



Narito ang itsura ng condo unit ko noong araw na na-turn-over s'ya sa amin. 

 



Ang maganda kasi sa mga ganitong investment ay sa pagtagal ng panahon ay mas tumataas ang market value n'ya. Lalo pa itong tumataas kapag ang lugar kung saan nakatayo ang condominium building ay magiging progresibo. Tulad na lang ng mga condominium buildings sa paligid ng SM Mall of Asia.

Pagdating ng panahon siguradong hindi na lang 7.6M pesos ang itataas ng investment kong ito. Sa ngayon nga ang mga bagong unit sa bagong tayong condominium buildings ay nagkakahalaga na ng 10M and above. Ito na ngayon ang itsura ng unit ko bago ko s'ya pinarentahan. Medyo sinimplehan ko lang ang ayos at hindi ko na pina-full interior dahil hindi naman kailangan. Basta kinumpleto ko lang ang lahat ng mga gamit na kakailanganin ng mga uupa.












Nalaman ko kasi noon na ang lugar na ito ang isa sa mga magiging progresibong lugar sa kamaynilaan sa hinaharap. Ito rin kasi ang pangarap ko dati na magkaroon ng isang bahay na malapit lang sa airport at mga malls. Siguradong tataas pa ang market value ng investment kong ito dahil in the near future ay itatayo na malapit dito ang kauna-unahang IKEA sa Pinas.




Bukod pa d'yan ang mga project na katatapos lang sa palibot nito tulad na lang ng Okada pati na ang mga future reclamation projects tulad ng paparating na Manila Bay City of Pearl project kung matuloy.




Pero alam n'yo ba ang ginawa ko? Gaya ng iba, nakita ko ang malaking opportunity para gawin s'yang mas maganda at mas kumikitang investment vehicle. Pina-rentahan ko s'ya at ngayon nga ay may umuupa na sa halagang 55k per month. Gumamit ako ng agent dahil alam kong sila ang mas nakakaalam kung paano at saan kukuha ng mga foreign clients o yung mga gustong mag-rent sa mga condo units. Alam kong mas mababa pa ito kesa sa mga umuupa sa iba pero ok lang dahil para sa akin ay malaking bagay na ito. Ginawa ko lang ito para magkaroon ng steady income o yung tinatawag na passive income kahit na wala ako sa Pinas.

Pero alam n'yo rin ba kung ano pa ang maganda dito, bukod sa monthly rental ay ang mga tenant din ang magbabayad ng Water, Internet at Electric Bills every month. So yung rental fee na 55k ay kita mo na yun sa isang buwan at i-less mo na lang yung binabayaran mong Condo Dues pero syempre pati na yung agent's commission which is equivalent sa 1 month rent. Ganun kasi ang kalakaran sa pagpaparent kapag kumuha ka ng agent kaya mas magiging ok kung ikaw na mismo ang hahanap ng client para wala ka ng babayarang agent's commission.

Bukod pa d'yan, nagbabayad ang tenant ng 1 year advance for the rental fee at 2 months deposit para naman sa mga masisirang gamit o mga dapat ayusin dahil sila ang may kasalanan. Kaya nga noon nakaraang November 2019 ay natanggap ko na naman ang advance payment para sa condo rental.

Karamihan sa mga umuupa sa ngayon ay yung mga foreign clients o mga staff na nagtatrabaho sa mga Casino o Gaming facilities. Kaya mapapansin mo na marami na ngayon ang nagaalok ng mga condo unit ng SMDC o Ayala Land pati na ako hehe..pinasok ko na rin kasi ang mundo ng real estate business..hehe.. Narito ang kabuuan ng mga condominium at premier properties ng SMDC kasama na ang lugar kung saan sila nakatayo o itatayo pa lang para maging guide n'yo.

SMDC Condominiums and Premier Properties



Ito yung sinasabi na kahit natutulog ka ay kumikita ka at ang tinatawag na "Passive Income" generator dahil nga pumapasok lang ang pera kahit wala ka ng ginagawa dahil sa investment na na-acquire mo noon pa. Isa pa sa maganda sa pagpapa-rent ng iyong condo unit ay sa 'yo nakapangalan at sa 'yo pa rin ang property in the end at kung sakali man na gusto mo na s'yang ibenta in the near future ay pwede rin kung sa tingin mo ay mas lumaki pa ang kanyang market value.

Hindi ba magandang investment vehicle ito? Kaya hinihikayat ko ang sino mang makakabasa nito o mapapadaan sa blog site ko na subukan ang pagkakaroon ng real estate property dahil isa itong good investment vehicle at passive income generator. Kahit sa librong mababasa mo sa ngayon ay sina-suggest na isa ang pagkakaroon ng real property para maging investment vehicle para sa iyong future maging lupa, townhouse, house and lot o condo unit man yan.

Gusto ko lang i-share ang aking naging experience hindi upang ipagyabang bagkus ay maging inspirasyon sa iba at maging guide na din kung anu-anong paraan ang pwedeng puntahan ng mga perang pinaghihirapan natin na kikita at lalago pagdating ng panahon. Sana'y maging inspirasyon ito na hindi hadlang ang kahirapan para abutin natin kahit ang ating mga simpleng pangarap sa buhay. Hindi mo naman kailangan maging mayaman upang maging masaya at makamit ang iyong mga pangarap. Simpleng buhay lang ay ayos na, walang masyadong problema at may maayos na kalusugan. Kaya kung mangangarap ka ay lakihan mo na kasi yun na lang ang tanging libre sa mga panahon ngayon.




Maganda ito lalo na sa mga OFW (Overseas Filipino Workers) na katulad ko dahil hindi naman sa lahat ng panahon ay malakas tayo at kikita ng mga kinikita natin sa ngayon. Darating ang araw mawawalan tayo ng trabaho o tatanda tayo at maaring wala ng pagkakitaan kaya maganda na ngayon pa lang ay pinaghahandaan na natin ang mga ganitong sitwasyon.

Sa mga kabataan naman ngayon, sana'y mabasa ninyo ito at may matutunan kayong aral sa post kong ito na magagamit ninyong guide para habang bata pa kayo ay maumpisahan n'yo na ang pagkakaroon ng mga ganitong investment vehicle na magbibigay sa inyo ng passive income. Mas maganda kasi na habang bata pa kayo ay natututunan n'yo na ang mga ganitong paraan o yung tinatawag na financial literacy dahil kadalasan ay hindi ito tinuturo sa eskwelahan.

Sana'y may napulot kayong idea na magbibigay inspirasyon sa inyo sa mga nabasa ninyo patungkol sa aking experience at mga hakbang na ginawa ko at para makatulong sa inyo kung paano ninyo mapapalago ang mga perang pinaghihirapan ninyo ng matagal na panahon.

Sabi ko nga sa quote na ito,

"Do your best in everything you do because whatever you plant today, surely you will harvest it later."



10 comments:

  1. blue residence condo unit for rent is also close to the premiere colleges and universities of Metro Manila such as Ateneo De Manila University, University of the Philippines, and Miriam College.

    ReplyDelete
    Replies
    1. Theos you are right and that is why Blue Residences is also one of the good investments as well...

      Delete
  2. Thanks for appreciating my content and my work. Your comments inspire me to do more. Again thank you very much.

    ReplyDelete
  3. This comment has been removed by the author.

    ReplyDelete
  4. This content is written very well. Your use of formatting when making your points makes your observations very clear and easy to understand. Thank you. https://www.smore.com/mjvfc-investment-property-cambodia

    ReplyDelete
  5. I found that site very usefull and this survey is very cirious, I ' ve never seen a blog that demand a survey for this actions, very curious... DAWANG

    ReplyDelete
  6. this is really nice to read..informative post is very good to read..thanks a lot! prince holding group

    ReplyDelete
  7. This is a great inspiring article.I am pretty much pleased with your good work.You put really very helpful information. Keep it up. Keep blogging. Looking to reading your next post. Marcia Backstrom

    ReplyDelete
  8. Fantastic goods from you, man. I've understand your stuff previous to and you are just extremely fantastic. I really like what you have acquired here, really like what you are stating and the way in which you say it. You make it entertaining and you still take care of to keep it sensitive. I can't wait to read far more from you. This is really a tremendous site. cash for cars mcdowall

    ReplyDelete
  9. While investing in vehicles can be a lucrative endeavor, it's important to remember that not all vehicles hold value indefinitely. At some point, certain vehicles may become unwanted or obsolete, leaving owners wondering about the best course of action. That's where services like unwanted car removal in Sunshine Coast come into play. Unwanted car removal services offer a convenient solution for disposing of vehicles that no longer serve a purpose.

    ReplyDelete